Maes y Môr, Tremadog
Annibyniaeth – Cefnogaeth – Cymuned
Maes y Mor
Os ydych chi neu aelod o’r teulu yn chwilio am ychydig o gymorth i barhau i fyw’n annibynnol wrth fynd yn hŷn, efallai mai Maes y Môr yn Nhremadog, Gwynedd yw’r lle i chi.
Wedi ei leoli mewn llecyn tawel gyda gardd eang, mae Maes y Môr yn gynllun tai cysgodol i bobl dros 55 mlwydd oed, gyda rheolwr ar y safle yn ystod yr wythnos i’ch cefnogi gyda materion sy’n ymwneud â’ch cartref.
Byddwch yn gallu parhau i fyw’n annibynnol yn un o’n 38 o fflatiau hunangynhaliol sydd ar y safle, ond gyda’r sicrwydd bod cefnogaeth ar gael yn ystod y dydd yn yr wythnos, a mynediad 24 awr at wasanaeth brys, os oes angen.
Pa mor annibynnol fydda i?
Gyda’ch drws ffrynt eich hun, eich fflat yw eich cartref lle gallwch barhau i goginio, derbyn ymwelwyr a mwynhau byw’n annibynnol. O fewn pob fflat mae cegin, ystafell fyw, ystafell ymolchi ac ystafell wely. Bydd gennych system fynediad diogel ac mae lifft pwrpasol hefyd ar gael yn yr adeilad.
Fydd na gyfle i gymdeithasu?
Wrth rentu fflat ym Maes y Môr, cewch hefyd fynediad i lolfa gymunedol lle mae cyfle i gymdeithasu â thrigolion eraill a mwynhau gweithgareddau fel celf a chrefft, boreau coffi a gweithgareddau garddio.
Beth arall sydd ar y safle?
Os yw’n well gennych ychydig o amser eich hun, mae ystafell dawel hefyd ar gael i chi ymlacio. Ac allan yn yr ardd, cewch gyfle i eistedd ar y meinciau gan ymlacio, cymdeithasu a mwynhau gwylio byd natur ar ei orau.
Adnodd arall defnyddiol yw’r ystafell olchi dillad sydd ar gael ar y safle.
Fydd teulu a ffrindiau yn cael galw?
Bydd – mi all ffrindiau a theulu alw unrhyw bryd. Mae modd hefyd i deulu neu ffrindiau aros dros nos mewn ystafell bwrpasol i ddau westai.
Mae Maes y Môr yn cynnig tawelwch meddwl i chi, eich teulu a’ch ffrindiau tra ar yr un pryd yn rhoi’r annibyniaeth a’r rhyddid i chi fynd a dod fel y mynnwch.
Os ydych chi neu aelod o’ch teulu eisiau sgwrs neu wybodaeth am rentu fflat ym Maes y Môr, yna cysylltwch â ni.