Talu rhent a materion ariannol

Yma i’ch Cefnogi

Mae Timau Lles a Chasglu Incwm Grŵp Cynefin yma i’ch cefnogi chi a darparu cyngor arbenigol ar hawlio budd-daliadau, cynyddu incwm, rheoli dyled a chyngor ariannol.

Cysylltwch â Timlles@GrwpCynefin.org neu ffoniwch 0300 1112122 i siarad ag aelod o’r Tîm Lles.

Talu rhent

Sut ydy’r ffordd orau i mi dalu rhent i Grŵp Cynefin?

Mae na fwy nag un ffordd y gallwch chi dalu rhent:

Trwy ApCynefin: Dolen i ApCynefin
Ffurflen talu ar-lein: Dolen i’r ffurlen dalu ar-lein
Trwy App Talu ar eich ffôn symudol – Dolen i’r app talu
Debyd uniongyrchol / taliad cerdyn debyd / talu dros y ffôn – ffoniwch ni i drefnu taliadau rheolaidd – 0300 111 2122
Cerdyn rhent yn y Swyddfa Bost – cewch dalu gydag arian parod, siec neu gerdyn debyd
Cerdyn rhent mewn lleoliad PayPoint – cewch dalu gydag arian parod neu gerdyn debyd

Cysylltwch â ni os ydych chi angen cerdyn rhent ar 0300 111 2122.

Pryd ydw i angen talu rhent?

Tenantiaeth wythnosol

Byddwn yn codi rhent ar y dydd Llun bob wythnos. Er y byddai’n well gennym i chi dalu ar ddydd Llun, mi allwch chi dalu unrhyw ddiwrnod o’r wythnos cyn amser cinio dydd Sul yr wythnos honno. Os byddai’n well gennych chi dalu bob pythefnos, 4 wythnos neu bob mis, mae croeso i chi wneud hynny ond bydd angen i ni gael y taliadau ymlaen llaw.

Tenantiaeth misol

Byddwn yn codi rhent ar y 1af o bob mis. Er y byddai’n well gennym i chi dalu ar y 1af o’r mis, mi allwch chi dalu yn ystod y mis cyn belled bod y taliad yn ein cyrraedd cyn amser cinio diwrnod ola’r mis hwnnw.